జగన్ చెప్పేవన్నీ అబద్ధాలే : చంద్రబాబు

15:37 - March 20, 2017

అమరావతి : జగన్ చెప్పేవన్నీ అబద్ధాలేనని,పోల‌వ‌రం ప్రాజెక్టు పూర్త‌యితే ప్ర‌జ‌లు బాగుప‌డ‌తార‌ని, ఇక వైసీపీకి పుట్ట‌గ‌తులు ఉండ‌వ‌నే వారు ఇలా ప్ర‌వ‌ర్తిస్తున్నార‌ని సీఎం చంద్రబాబు అన్నారు. ఏపీ అసెంబ్లీలో అధికార.. విపక్షం మధ్య వాడి వేడి చర్చ జరిగింది. ప్రతిపక్షనేత మాటలపై మంత్రులు పల్లె రఘునాథ్‌రెడ్డి, కొల్లు రవీంద్ర ఘాటుగా స్పందించారు. జగన్‌ సభను తప్పుదోవ పట్టిస్తున్నారని, మైనార్టీలకు బడ్జెట్‌లో పెద్దమొత్తంలో కేటాయించినట్టు మంత్రి పల్లె రఘునాథ్‌రెడ్డి గుర్తుచేశారు. బలహీనవర్గాలను వైఎస్‌ ప్రభుత్వం నిర్వీర్యం చేసిందని మంత్రి కొల్లు రవీందర్‌ అన్నారు. బీసీలపై మాట్లాడే నైతిక హక్కు జగన్‌కు లేదన్నారు. బీసీలకు రూ.10వేల కోట్లు బడ్జెట్‌లో పెట్టిన ఘనత టీడీపీదేనన్నారు. విప‌క్ష నేత‌ల తీరు బాగోలేద‌ని అన్నారు. తాము త్వ‌ర‌లోనే విప‌క్ష నేత‌ల బండారాల‌ను బ‌య‌ట‌పెడ‌తాన‌ని చంద్రబాబు అన్నారు. విపక్ష సభ్యులు స్పీకర్ పోడియం ను చుట్టుముట్టి నినాదాలతో ఆందోళన చేపట్టారు. దీంతో సభలో గందరగోళం నెలకొంది. వెంటనే స్పీకర్ సభను రేపటికి వాయిదా వేస్తున్నట్లు ప్రకటించారు.

Don't Miss