ప్రియుడి ఇంటి ఎదుట ప్రియురాలు ధర్నా...

13:29 - December 7, 2017

నల్గొండ : శాలిగౌరారంలో ప్రియుడి ఇంటి ముందు ప్రియురాలు ధర్నా చేపట్టింది. పెళ్లి చేసుకుంటానని నమ్మించి ఇప్పుడు నిరాకరిస్తున్నాడని ప్రియురాలు వాపోయింది. ఇటుకల పహాడ్ గ్రామానికి చెందిన గాజుల నాగరాజు, అదే గ్రామానికి చెందని మౌనికలు మూడేళ్లుగా ప్రేమించుకుంటున్నారు. ఒకే సామాజిక వర్గం కావడంతో పెళ్లి చేసుకోవాలని మౌనిక కోరింది. దీనికి నాగరాజు ఒప్పుకోలేదు. అనంతరం గ్రామ పెద్దల సమక్షంలో పంచాయతీ జరిగింది. పెళ్లి చేసుకొనేందుకు ఒప్పించారు. కానీ అప్పటి నుండి కనిపించకుండా పోయిన నాగరాజు మంగళవారం ఇంటికి వచ్చాడు. ఈ విషయం తెలుసుకున్న మౌనిక అతని ఇంటికి చేరుకుని నిలదీసింది. పెళ్లి చేసుకోవాలంటే రూ. 15 లక్షలు కట్నం తీసుకరావాలని నాగరాజు చెప్పడాని పేర్కొంటూ మౌనిక ధర్నా చేపట్టింది. 

Don't Miss