యూపీలో మరో అమానుషం...

19:58 - January 11, 2018

ఉత్తరప్రదేశ్‌ : బలియా జిల్లాలో హిందుత్వ శక్తులు దళిత యువకుల పట్ల అమానుషంగా ప్రవర్తించాయి. గోవులను చోరీ చేశారన్న కారణంతో హిందూ యువవాహిని కార్యకర్తలు ఇద్దరు దళిత యువకులపై దాడి చేశారు. వారికి శిరోముండనం చేసి వీథుల్లో తిప్పారు. ముఖానికి తెల్లరంగు పూసి 'గాయ్‌ చోర్‌' అని రాసి ఉన్న అట్టను వారి మెడలో వేసి ఊరంతా కలియ తిప్పారు. పోలీసులు వచ్చే వరకు వారిని వదల లేదు. ఆవులను దొంగిలించారన్న కారణంతో పోలీసులు ఇద్దరు దళిత యువకులు ఉమ, సోనులను అరెస్ట్‌ చేశారు. బాధితుల ఫిర్యాదు మేరకు శంభు అనే వ్యక్తితో పాటు మరో 15 మంది అజ్ఞాత వ్యక్తులపై కేసు నమోదు చేశారు. సోమవారం జరిగిన ఈ ఘటనపై విచారణకు ఆదేశించినట్లు బలియా జిల్లా ఎస్పీ అనిల్‌ కుమార్‌ తెలిపారు.

Don't Miss