మూడు వేల కిలోల భారీ కిచిడీ...

11:55 - October 16, 2018

ఢిల్లీ : గిన్నీస్ బుక్లో స్థానం సంపాందించేందుకు వినూత్నంగా పలువురు ప్రయత్నిస్తుంటారు.  ప్రపంచంలో ఎక్కడైనా.. ఎలాంటి విషయానికైనా ఓ రికార్డ్ అంటూ క్రియేట్ అయ్యిందంటే… అది గిన్నీస్ బుక్లో ఎంట్రీ కావాల్సిందే. అంతగా ఫేమస్ అయింది గిన్నీస్. అందులోకి తాజాగా ‘కిచిడీ’ ఎక్కింది. ప్రపంచ ఆహార దినోత్సవం సందర్భంగా ఓ వ్యక్తి కిచిడీ తయారు చేసి గిన్నీస్ లోకి ఎక్కాడు. 
విష్ణుకుమార్...నాగ్పూర్ వాసి. ప్రపంచ ఆహార దినోత్సవం సందర్భంగా మూడు వేల కిలోల భారీ కిచిడీ తయారు చేయాలని భావించాడు. ఇందుకు 275 కిలోల బియ్యం, 125 కిలోల పెసరపప్పు, 150 కిలోల శనగపప్పు, 3 వేల లీటర్ల నీళ్లు, 150 కిలోల నెయ్యి ఉపయోగించాడు. అనుకున్నట్లుగానే కిచిడీ తయారు చేశాడు. ఈ కార్యక్రమానికి కేంద్ర మంత్రి నితిన్ గడ్కరీ హాజరై విష్ణుమనోహర్‌ను అభినందించారు. 
గతంలో కూడా చాలా మంది భారీ కిచిడీలను తయారు చేసి గిన్నీస్ లో స్థానం సంపాదించారు. గత ఏడాదే ప్రముఖ చెఫ్ సంజీవ్ కపూర్ తయారుచేసిన 918 కిలోల కిచిడీ ఇండియా బుక్ఆఫ్ రికాలో చోటు సంపాదించుకున్న సంగతి తెలిసిందే. 

Don't Miss