నాగార్జున సాగర్ వద్ద ఘోర రోడ్డు ప్రమాదం..

09:18 - January 3, 2017

నల్గొండ : జిల్లాలో ఘోర రోడ్డు ప్రమాదం చోటు చేసుకుంది. బోల్తా పడిన ట్రాక్టర్ వద్ద సహాయక చర్యలు చేస్తున్న వారిపైకి లారీ దూసుకెళ్లింది. ఈఘటనలో ఇద్దరు పోలీసులు, మరో ఇద్దరు మృతి చెందారు. నాగార్జునసాగర్ దయ్యాల గండి వద్ద ఈ ఘటన చోటు చేసుకుంది. సోమవారం రాత్రి గడ్డి లోడుతో వెళుతున్న ట్రాక్టర్ బోల్తా కొట్టింది. సమాచారం అందుకున్న పోలీసులు సహాయక చర్యలు చేపట్టారు. ఆ సమయంలో వేగంగా దూసుకొచ్చిన లారీ సహాయక చర్యలు చేస్తున్న వారిపైకి దూసుకెళ్లింది. దీనితో ఇద్దరు పోలీసులతో సహా మరో ఇద్దరు అక్కడికక్కడనే మృతి చెందారు. గాయాలైన పది మందిని ఆసుపత్రికి తరలించి చికిత్స అందిస్తున్నారు. మృతుల్లో ఒక కానిస్టేబుల్, ఒక హోం గార్డులున్నారు.విషయం తెలుసుకున్న ఎస్పీ ప్రకాష్ రెడ్డి పరిశీలీఇంచారు.

Don't Miss