ఏపీ కేబినెట్..కీలక నిర్ణయాలు

21:46 - October 10, 2017

గుంటూరు : అమరావతి సచివాలయంలో ఏపీ మంత్రివర్గ సమావేశం ముగిసింది. దాదాపు ఐదు గంటలకు పైగా మంత్రివర్గ సమావేశం జరిగింది. ఈ సమావేశంలో పలు కీలక నిర్ణయాలు తీసుకున్నారు. పంచాయతీరాజ్‌, రెవెన్యూ శాఖల్లో కాంట్రాక్ట్‌ పద్ధతిలో నియామకాలు చేపట్టాలని మంత్రివర్గం నిర్ణయించింది. వర్షాలు, సీజనల్‌ వ్యాధులు, రుణమాఫీ అమలు అంశాలపై చర్చించారు. బీసీ సామాజికవర్గంలో పెళ్లి చేసుకునే పేద వధూవరులకు ఆర్థికసాయంపై చర్చించారు. చంద్రన్న పెళ్లి కానుక పేరుతో రూ.30వేల సాయం చేసే ప్రతిపాదనకు మంత్రివర్గం ఆమోదం తెలిపారు. 2018 జనవరి ఒకటి నుంచి దీనిని అమల్లోకి తేవాలని నిర్ణయం తీసుకున్నారు. మధురవాడ ఐటీ సెజ్ లో ఏఎన్ ఎస్ ఆర్ కంపెనీకి 10 ఎకరాల భూమిని కేటాయించారు. ఏఎన్ ఎస్ ఆర్ కంపెనీ రాకతో విశాఖకు రూ.వెయ్యి కోట్లు పెట్టుబడులు రానున్నాయి. ఆరేళ్లలో 10 వేల ఉద్యోగాలు ఇవ్వాలని నిర్ణయించారు. మరిన్ని వివరాలన వీడియోలో చూద్దాం...

 

 

 

 

Don't Miss