పోలీసుల అదుపులో నటుడు, స్మగ్లర్ హరి...?

14:18 - July 12, 2018

చిత్తూరు : తిరుపతి ఎర్రచందనం స్మగ్లింగ్‌లో వర్థమాన నటుడు 'హరి' ఉన్నట్లు పోలీసులు గుర్తించారు. గతంలో పలు టీవీ కామెడీ షోల్లో నటించాడు. ఇతనిపై 20 ఎర్రచందనం కేసులున్నాయని..పోలీసులు నిర్ధారించారు. ప్రస్తుతం పరారీలో ఉన్నా ఇతను టాస్క్ ఫోర్స్ పోలీసుల అదుపులో ఉన్నట్లు తెలుస్తోంది.

ఓ సినిమా కోసం రహస్యంగా ఫైనాన్స్ చేసింది హరి అని పోలీసులు అనుమానిస్తున్నారు. రెండు రోజుల క్రితం కొంతమంది కూలీలను పట్టుకునే సమయంలో మేస్త్రీలను విచారించిన సమయలో హరి ఉదంతం వెలుగులోకి వచ్చినట్లు సమాచారం. పోలీసులు పూర్తిస్థాయిలో విచారించిన అనంతరం అతను హరి అని పోలీసులు గుర్తించారు. స్థానికంగా ఉన్న స్మగ్లర్లు..విదేశాల్లో ఉన్న స్మగ్లర్లతో హరికి పరిచయం ఉన్నట్లు పోలీసులు అనుమానాలు వ్యక్తం చేస్తున్నారు. ఈ కేసులో పూర్తిస్థాయిలో వివరాలు చెప్పలేమని పోలీసులు పేర్కొంటున్నారు. 

Don't Miss