ఆ పార్టీల కుట్రలను తిప్పికొట్టాలి..

16:42 - June 12, 2018

అమరావతి : టీడీపీ ప్రభుత్వానికి వ్యతిరేకంగా వైసీపీ, బీజేపీ, జనసేన చేస్తున్న కుట్రలను తిప్పికొట్టాలని తెలుగుదేశం సమన్వయ కమిటీ సమావేశం నిర్ణయించింది. ముఖ్యమంత్రి చందబాబుపై ఈ పార్టీల నేతలు అసత్య ఆరోపణలు చేస్తున్నారన్న వాస్తవాలను విస్తృతంగా ప్రజల్లోకి తీసుకెళ్లాలని తీర్మానించింది. చంద్రబాబు అధ్యక్షతన అమరావతిలో జరిగిన టీడీపీ సమన్వయ కమిటీ సమావేశంలో... ప్రతిపక్షాలది కుట్రల కూటమి అని విమర్శించారు. జగన్‌ ప్రయోజనాలను కాపాడేందుకే కమలనాథులు బీజేపీ రాష్ట్ర అధ్యక్షుడిగా కన్నా లక్ష్మీనారాయణను నియమించారని తెలుగుదేశం నేతలు విమర్శించారు. రాష్ట్ర మంత్రులు, టీడీపీ ఎంపీలు, ఎమ్మెల్యేలు, ఎమ్మెల్సీలు, కార్పొరేషన్ల చైర్మన్లు, పార్టీ ముఖ్య నాయకులు సమన్వయ కమిటీ సమావేశానికి హాజరయ్యారు.  

Don't Miss