భూమా ఆశయాలను అఖిల ప్రియ కొనసాగించాలి: చంద్రబాబు

16:23 - March 13, 2017

కర్నూలు: ఆళ్ళగడ్డ ఎమ్మెల్యే భూమానాగిరెడ్డి ఆశయాలను కుమార్తె ఎమ్మెల్యే అఖిల ప్రియ కొనసాగించాలని సీఎం చంద్రబాబు ఆకాంక్షించారు. భూమా పార్థివదేహానికి నివాళులు అర్పించిన‌ సీఎంచంద్ర‌బాబు నాయుడు అనంత‌రం మీడియాతో మాట్లాడుతూ... మంచినేత‌ను కోల్పోయామ‌ని, ఇది చాలా బాధాక‌రమ‌ని అన్నారు. ఆయ‌న మృతిని తాను జీర్ణించుకోలేక పోతున్నానని చెప్పారు. 53, 54 సంవ‌త్స‌రాల వ‌య‌సులోనే ఆయ‌న‌ మృతి చెందారని, ఇది చాలా బాధాక‌ర‌మ‌ని అన్నారు. స‌మ‌ర్థ‌వంత‌మైన నాయ‌కుడంటే ఎలా ఉండాలో ఆయ‌న చూపించారని అన్నారు. ఆయ‌న‌తో త‌న‌కు ఉన్న అనుబంధాన్ని చంద్ర‌బాబు గుర్తు చేసుకున్నారు. ఆయ‌న ఆశ‌యాల‌ను సాధ్యం చేయ‌డానికి కృషి చేస్తామ‌ని చెప్పారు. ఆయ‌న ఆత్మ‌కు శాంతి చేకూరాలని అన్నారు. కుటుంబ స‌భ్యుల‌కు ప్ర‌గాఢ సానుభూతిని తెలుపుతున్నామ‌ని చెప్పారు.

Don't Miss