ప్రజాకవి వేమన సాహితీ సమాలోచనా సదస్సు

13:32 - April 30, 2017

వేమన..ఈ పేరు తెలియని తెలుగువారుండరు. సమాజంలోని మూఢనమ్మకాలను మూర్ఖాచారాలను, కట్టుబాట్లను, ఛాందసవాదాలను చావుదెబ్బతీస్తూ...ఆటవెలది పద్యాల్లో నిజాలను నిర్భయంగా వెల్లడించిన సాంఘిక విప్లవకారుడాయన. ప్రజల భాషకు పట్టంగట్టిన ప్రజాకవి ఆయన. విశ్వదాభిరామ వినురవేమ మకుటంతో.. పద్యాలు రాసి.., శ్రమములోన పుట్టు సర్వముతానేను అంటూ విప్లవాత్మక భావజాలాన్ని ఆనాడే చెప్పిన తాత్విక కవి ఆయన. లోతైన విప్లవ భావాలతో జీవితానుభవాల నేపథ్యంలో..సమాజంలోని అనేక అంశాలపై పద్యాలల్లి నూతన భావాలు తెలుగు నాట అందించాడు వేమన. ప్రజాకవి వేమన సాహితీ సమాలోచనా సదస్సు అనంతపురంలో జరుగుతున్న సందర్భంగా ఈ ఆదునిక కాలంలో వేమన పద్యాల పరిస్థితేంటి? ఆధునిక ప్రపంచంలో ఆయన భావాల ప్రాధాన్యత ఉందా? అసలు వేమన ప్రజాకవి ఎందుకయ్యాడు? మొదలైన అంశాల గురించి చర్చించడానికి సీనియర్ జర్నలిస్ట్, పొలిటికల్ ఎనలిస్ట్ తెలకపల్లి రవిగారు, సెంట్రల్ యూనివర్సిటీ అధ్యాపకులు డా. పిల్లలమర్రి రాములు గారు చర్చలో పాల్గొన్నారు.

 

Don't Miss