సైనికుడిగా 'అల్లు అర్జున్' ?

10:46 - April 18, 2017

టాలీవుడ్ లో తన స్టైల్ తో ఇరగదీస్తున్న 'అల్లు అర్జున్' మరోసారి వైవిధ్యమైన స్టైల్ తో ప్రేక్షకులు ముందుకొస్తున్నాడు. హరీష్ శంకర్ దర్శకత్వంలో 'దువ్వాడ జగన్నాథమ్' చిత్రంలో బ్రాహ్మణ యువకుడి పాత్రలో కనిపించబోతున్నాడు. ‘సరైనోడు' మూవీ అనంతరం బన్నీ చేస్తున్న సినిమాపై భారీ అంచనాలు నెలకొన్నాయి. చిత్ర కథానాయికగా 'పూజా హెగ్డే' నటిస్తోంది. దిల్ రాజు నిర్మిస్తున్న ఈ చిత్రం సమ్మర్ లో విడుదల చేయడానికి ప్లాన్స్ చేస్తున్నారు. ఇదిలా ఉంటే ఈ సినిమా అనంతరం 'వక్కంతం వంశీ' దర్శకత్వంలో 'బన్నీ' ఓ చిత్రం చేయబోతున్నారు. దీనికి సంబంధించిన ఓ వార్త సోషల్ మీడియాలో చక్కర్లు కొడుతోంది. ఈ సినిమాకు 'నా పేరు సూర్య..నా ఇల్లు ఇండియా' అనే టైటిల్ ను పరిశీలిస్తున్నారు. 'అల్లు అర్జున్' ఇందులో సైనికుడిగా కనిపించబోతున్నారని టాక్. బన్నీ ఇప్పటి వరకు ఇలాంటి పాత్ర పోషించలేదనే సంగతి తెలిసిందే. ‘సరైనోడు' లో ఆర్మీ దుస్తుల్లో కనిపించినా అది కొద్దిసేపు మాత్రమే. పూర్తిగా ఆర్మీ అధికారిగా 'బన్నీ' కనిపించబోతున్నారని తెలుస్తోంది. పూర్తి వివరాలు తెలియాలంటే కొద్ది రోజులు ఆగాల్సిందే.

Don't Miss