'షా'రొస్తున్నారు..!.

21:09 - September 9, 2018

హైదరాబాద్ : తెలంగాణ రాష్ట్రంలో ముందస్తు ఎన్నికలు వస్తుండడంతో ఆయా పార్టీలు అప్రమత్తమయ్యాయి. తమ వ్యూహ రచనలో నిమగ్నమైపోయారు. తెలంగాణ రాష్ట్రంలో పాగా వేయాలని కాషాయ దళం ప్రయత్నిస్తోంది. అందులో భాగంగా ఆ పార్టీ జాతీయ అధ్యక్షుడు అమీత్ షా ప్రత్యేక దృష్టి పెట్టారు. ఈనెల 15వ తేదీన తెలంగాణ రాష్ట్రంలో అమిత్ షా అడుగు పెట్టనున్నారు. మహబూబ్ నగర్ లో జరిగే ఎన్నికల ప్రచారంలో ఆయన పాల్గొననున్నారు. ఈనెల 15న బీజేపీ రాష్ట్ర కోర్ కమిటీ సభ్యులతో భేటీ కానున్నారు. ఈ పర్యటనలోనే ప్రధాన మంత్రి మోడీ పర్యటన షెడ్యూల్ ను ఖరారు చేయనున్నారు. బహిరంగసభలు ఎక్కడ నిర్వహించాలి ? తదితర వాటిపై షా నిర్ణయం తీసుకోనున్నారు. రాష్ట్ర పర్యటనలో మీడియా ఎడిటర్లతో అమిత్ షా సమావేశమయ్యే అవకాశం ఉంది. అభ్యర్థుల ఎంపికను వెంటనే ప్రారంభించాలని రాష్ట్ర అధ్యక్షుడికి,ఎన్నికల కార్యచరణ ప్రారంభించాలని పార్టీ శ్రేణులకు షా ఆదేశాలు జారీ చేశారు. తెలంగాణ ఎన్నికల కోసం సంతోష్, భూపేంద్ర యాదవ్ లను జాతీయ కార్యదర్శులుగా నియమించినట్లు సమాచారం. 

Don't Miss