ఆరుషి హత్య కేసు తీర్పుపై ఉత్కంఠ..

15:09 - October 12, 2017

ఢిల్లీ : దేశ వ్యాప్తంగా సంచలనం సృష్టించిన 2008 నాటి ఆరుషి తల్వార్‌ హత్య కేసులో అలహాబాద్‌ హైకోర్టు ఇవాళ తీర్పును వెలువరించనుంది. ఈ కేసులో గజియాబాద్‌లోని సిబిఐ ప్రత్యేక కోర్టు నవంబర్ 25, 2013 ఆరుషి తల్లిదండ్రులకు జీవిత ఖైదు విధించింది. సీబీఐ కోర్టు తీర్పును సవాలు చేస్తూ ఆరుషి  తల్లిదండ్రులు రాజేష్‌ తల్వార్, ఆయన భార్య నుపూర్ తల్వార్‌ 2014లో హైకోర్టును ఆశ్రయించారు. అలహాబాద్ హైకోర్టు ఇచ్చే తీర్పుపై ఉత్కంఠ నెలకొంది. 2008 మే 16వ తేదీన ఉత్తరప్రదేశ్ నోయిడాలోని జలవాయువిహార్‌లో సెక్టార్ 25లోని ఇంట్లోనే ఆరుషి హత్యకు గురైంది. మరుసటి రోజు పనిమనిషి హేమరాజ్ శవం టెర్రస్‌పై కనిపించింది. ఆరుషి, హేమరాజ్‌లను అభ్యంతరకరమైన దృశ్యంలో చూసిన రాజేష్‌ తల్వార్‌ వారిద్దరి హత్య చేశారు. రాజేష్‌ భార్య నుపూర్‌ ఆధారాలు లేకుండా చేశారన్న ఆరోపణలతో ఆరుషి తల్లిదండ్రులను అరెస్ట్‌ చేశారు. ప్రస్తుతం వీరిద్దరు గజియాబాద్‌లోని డాస్‌నా జైలులో శిక్ష అనుభవిస్తున్నారు.

 

Don't Miss