నేడు బీజేపీ పార్లమెంటరీ భేటీ

14:03 - July 17, 2017

ఢిల్లీ : ఉపరాష్ట్రపతి అభ్యర్థి ఎంపికపై బిజెపి ఇవాళ సాయంత్రం సమావేశం కానుంది. అనంతరం బిజెపి తమ అభ్యర్థి పేరును అధికారికంగా ప్రకటించే అవకాశం ఉంది. ఉపరాష్ట్రపతి పదవికి దక్షిణ భారతదేశానికి ప్రాధాన్యం ఇవ్వాలని బిజెపి భావిస్తోంది. కేంద్రమంత్రి వెంకయ్యనాయుడు, మహారాష్ట్ర గవర్నర్‌ విద్యాసాగర్‌రావు పేర్లు వినిపిస్తున్నాయి. వెంకయ్యనాయుడు పేరును ప్రధానంగా పరిశీలిస్తున్నట్లు తెలుస్తోంది. కేంద్ర కేబినెట్‌ మంత్రిగా ఉన్న వెంకయ్య ఉపరాష్ట్రపతి పదవిపై అంతగా ఆసక్తి చూపడం లేదని సమాచారం. ఇదే విషయాన్ని ప్రధాని మోదితో సమావేశమై చర్చించే అవకాశం ఉంది. ఉపరాష్ట్రపతి అభ్యర్థి విషయంలో ప్రధాని మోది, బిజెపి చీఫ్‌ అమిత్‌షా గతవారం చర్చించారు. వెంకయ్యనాయుడు వైపే అమిత్‌ షా మొగ్గు చూపుతున్నట్లు తెలుస్తోంది.

Don't Miss