కరీంనగర్‌లో కాషాయ దళం దాష్టీకం

15:22 - October 13, 2017

కరీంనగర్‌ : బీజేపీ, ఆర్ ఎస్ ఎస్ కార్యకర్తల ఆకృత్యాలు, ఆగడాలకు అడ్డూఅదుపు లేకుండా పోయింది. విచక్షణారాహిత్యంగా సీపీఎం పార్టీ కార్యాలయాలపై దాడులకు పాల్పడుతున్నారు. దౌర్జన్యాలకు పాల్పడుతూ దాడులకు తెగబడుతున్నారు. దేశ వ్యాప్తంగా బీజేపీ, ఆర్ ఎస్ ఎస్ కార్యకర్తలు సీపీఎం, దాని అనుబంధ సంస్థల కార్యాలయాలపై దాడులకు చేస్తున్నారు. విశాఖ సీపీఎం ఆఫీస్, ఢిల్లీలోని సీపీఎం జాతీయ కార్యాలయం, హైదరాబాద్ లోని సీపీఎం రాష్ట్ర కార్యాలయం ఎంబీ భవన్ లపై బీజేపీ, ఆర్ఎస్ఎస్ కార్యకర్తలు డాడికి యత్నించారు. తాజాగా కరీంనగర్ లో కాషాయదళం దాష్టీకానికి తెగబడింది. జిల్లా కేంద్రంలోని సీపీఎం, సీఐటీయూ కార్యాలయాలపైకి దాడికి తరలివచ్చింది. వామపక్ష కార్యాలయాల ముట్టడికి సంఘ్‌ శ్రేణులు యత్నించడం ఉద్రిక్తతకు దారి తీసింది. పరివార్‌ దుర్మార్గ చర్యకు నిరసనగా.. సీపీఎం, సీఐటీయూ శ్రేణులు నిరసన ప్రదర్శన చేపట్టారు. సంఘ్‌ పరివార్‌ చర్యల నేపథ్యంలో.. పోలీసులు, వామపక్ష పార్టీల కార్యాలయాల వద్ద భారీ బందోబస్తు ఏర్పాటు చేశారు. పరివార్‌ చర్యల కారణంగా.. కరీంనగర్‌లో ఉద్రిక్త పరిస్థితులు ఏర్పడ్డాయి. కేరళలో వామపక్ష కార్యకర్తలపైనే దాడులు చేస్తూ.. కాషాయదళం.. దానికి భిన్నంగా ప్రచారం చేస్తూ.. సీపీఎంను అప్రతిష్టపాలు చేసేందుకు ప్రయత్నిస్తున్నారని, వామపక్ష పార్టీల నేతలు వివరించారు. కేరళలో హింసకు బీజేపీ, ఆరెస్సెస్సే కారణమని నేతలు పేర్కొన్నారు. బీజేపీ శ్రేణుల చర్యను సీపీఎం నేతలు ఖండించారు. మరిన్ని వివరాలను వీడియోలో చూద్దాం..

 

Don't Miss