రాహుల్‌గాంధీ ప్రసంగంపై మండిపడ్డ బిజెపి

08:46 - August 24, 2018

ఢిల్లీ : కాంగ్రెస్‌ అధ్యక్షుడు రాహుల్‌ గాంధీ జర్మనీలోని హాంబర్గ్‌లో చేసిన ప్రసంగంపై బిజెపి మండిపడింది. 23 దేశాల ప్రతినిధుల ముందు రాహుల్‌ దేశాన్ని చులకన చేసి మాట్లాడారని బిజెపి అధికార ప్రతినిధి సంబిత్‌ పాత్ర విమర్శించారు. ఎన్డీయే పాలనలో భారత్‌లో నిరుద్యోగం, అసమానతలు, మూక హత్యలు, దళితులపై దాడులు అధికమవుతున్నాయని రాహుల్‌ ఆరోపించారు. ఇలాంటి పరిస్థితుల వల్లే ఐఎస్‌ఐఎస్‌ వంటివి ఏర్పడుతాయని చెప్పారు. మైనారిటీలకు ఉద్యోగాలు రాకపోతే ఐఎస్‌ఐఎస్‌ వైపు మళ్లుతారని చెప్పడం ద్వారా రాహుల్‌  భయోత్పాతం సృష్టిస్తున్నారని ... ఉగ్రవాదానికి ఊతమిచ్చే ఈ ప్రకటనపై రాహుల్‌ సమాధానం చెప్పాలని సంబిత్‌పాత్ర డిమాండ్ చేశారు.

 

Don't Miss