గర్భిణీకి నర్సు ఆపరేషన్..పసికందు మృతి..

14:09 - January 29, 2017

జగిత్యాల : జిల్లా కేంద్రంలో దారుణం చోటు చేసుకుంది. వైద్యులు సకాలంలో స్పందించకపోవడంతో గర్భిణీకి నర్సు ఆపరేషన్ చేసింది. దీనితో పసికందు మృతి చెందింది. ఈ విషాద ఘటన జగిత్యాల ప్రభుత్వాసుపత్రిలో చోటు చేసుకుంది. గొల్లపల్లి మండలం మౌనిక పురుటినొప్పులతో శనివారం రాత్రి వచ్చింది. ఆదివారం తెల్లవారుజామున వైద్యులు స్పందించకపోవడం..ఆపరేషన్ చేయడానికి రాక పోవడంతో అక్కడనే ఉన్న నర్సు ఆపరేషన్ చేసేందుకు సిద్ధమైంది. కొద్ది గంటల తేడాలోనే పసికందు మృతి చెందింది. విషయం తెలుసుకున్న మౌనిక కుటుంబసభ్యులు, బంధువులు తీవ్ర ఆగ్రహం వ్యక్తం చేశారు. వైద్యుల నిర్లక్ష్యంతోనే ఈ ఘటన చోటు చేసుకుందని, డ్యూటీలో ఉన్న వైద్యులపై కఠిన చర్యలు తీసుకోవాలని బాధిత కుటుంబీకులు డిమాండ్ చేస్తున్నారు. తమకు న్యాయం చేయాలని పేర్కొంటూ ఆసుపత్రి ఎదుట ఆందోళన చేపట్టారు. జగిత్యాల, కోరుట్ల ప్రాంతాల్లో వైద్యులు నిర్లక్ష్యంగా ఉంటుండడం వల్ల ఉన్నతాధికారులు పలువురిపై చర్యలు తీసుకున్నారు. మరి డ్యూటీలో ఉన్న వైద్యులపై చర్యలు తీసుకుంటారా ? లేదా ? అనేది చూడాలి.

Don't Miss