నారాయణ..రాలిన మరో విద్యాకుసుమం..

11:26 - March 14, 2017

చిత్తూరు : టెన్త్‌ పరీక్షల ప్రారంభం రోజే తిరుపతిలో విషాదం నెలకొంది. పదవ తరగతి చదువుతున్న విద్యార్ధి సాయిచరణ్‌ ఆత్మహత్య చేసుకున్నాడు. తిరుపతి రూరల్‌ మండలం ఆలూరు సమీపంలోని నారాయణ మెడికల్‌ అకాడమీ స్కూల్‌ హాస్టల్‌లో సాయిచరణ్‌ టెన్త్‌ చదువుతున్నాడు. సోమవారం రాత్రి ఏం జరిగిందో తెలియదు కానీ సాయిచరణ్‌ బిల్డింగ్‌ పైనుంచి కిందపడి చనిపోయాడు. దీంతో విద్యార్ధి మృతదేహాన్ని స్విమ్స్‌కు తరలించారు. సమాచారం అందుకున్న సాయిచరణ్‌ తండ్రి మోహన్‌కృష్ణ కన్నీరుమున్నీరయ్యారు. తన కొడుకు చనిపోయిన సమాచారం కూడా యాజమాన్యం చెప్పలేదని ఆగ్రహం వ్యక్తం చేశారు. మోహన్‌కృష్ణ ఎమ్మెల్యే బాలకృష్ణ గన్‌మెన్‌గా పనిచేశారు.

Don't Miss