'చావు'యాత్రలో బికినీ డ్యాన్స్...

14:28 - January 6, 2017

చావు యాత్రలో బికినీ డ్యాన్స్ ఏంటీ ? అందరూ దు:ఖసాగరంలో ఉంటే గీ డ్యాన్స్ లు ఏంటీ పాడు అంటూ ఈసడించుకుంటున్నారా ? కానీ కొంతమంది చనిపోయిన అనంతరం జరిగే ఊరేగింపులు డ్యాన్స్ వేస్తుండడం అక్కడక్కడ కనిపిస్తూ ఉంటుంది. కానీ ఓ రాజకీయ నాయకుడి అంత్యక్రియల్లో బికినీ డ్యాన్స్ వేయడం అందర్నీ ఆశ్చర్యానికి గురి చేసింది. ఇది ఇక్కడ జరిగింది మాత్రం కాదు.

తైవాన్ లో కౌన్సిలర్ గా తంగ్ హ్సింగ్ (76) ఉండేవారు. డిసెంబర్ లో ఇతను మృతి చెందాడు. అనంతరం అతని కుటుంబసభ్యులు ఊరేగింపు నిర్వహించారు. ముందు జీపులు వెళుతున్నాయి. ఒక్కసారిగా జీపులపైకి బికినీలు ధరించిన ముద్దుగుమ్మలు ప్రత్యక్షమయ్యారు. దాదాపు 50 మంది డ్యాన్సర్లు బికినీలు ధరించి జీపుల మీదకు ఎక్కి పాటలు పాడుతూ డ్యాన్స్ చేశారు. వీరి నృత్యానికి దరువు కూడా ఉంది. ఇంకే ముంది జోరుగా డ్యాన్స్ లు చేస్తున్నారు. పెండ్లి బారాత్ ను తలిపించిన ఈ చావు యాత్రను పలువురు తమ సెల్ ఫోన్ లో బంధించారు. దీనితో అక్కడ తీవ్రమైన ట్రాఫిక్ జాం అయ్యిందంట. తన అంత్యక్రియలను ఫుల్ జోష్ తో నిర్వహించాలని తంగ్ హ్సింగ్ చనిపోయే ముందు చెప్పారని, అందుకే ఇలా నిర్వహించామని ఆయన కుటుంబ సభ్యులు పేర్కొన్నారు. అందండి సంగతి...

Don't Miss