పవన్ కు చంద్రబాబు ఆహ్వానం

09:02 - July 17, 2017

గుంటూరు : ఉద్దానం కిడ్నీ సమస్యలపై చర్చించేందుకు ఇవాళ విజయవాడ రావాలని జనసేన అధ్యక్షుడు పవన్‌ కల్యాణ్‌ను సీఎం చంద్రబాబు ఆహ్వానించారు. అమెరికాలోని హార్వర్డ్‌ విశ్వవిద్యాలయానికి చెందిన వైద్యుల బృందం ఉద్దానం సమస్యపై ముఖ్యమంత్రితో చర్చించనుంది. ఈ సమావేశంలో పాలుపంచుకోవాల్సిందిగా పవన్‌ కల్యాణ్‌కు ఆహ్వానం అందింది. ముఖ్యమంత్రితో పవన్‌ భేటీ అయితే ఉద్దానం కిడ్నీ బాధితుల సమస్యలపై జనసేన తరఫున పరిశీలించిన అంశాలను పవన్‌ వివరించనున్నారు. ఆ ప్రాంతంలో డయాలసిస్‌ కేంద్రాల ఏర్పాటు, మందుల పంపిణీ తదితర అంశాలపై నిర్మాణాత్మక సూచనల్ని అందించనున్నారని సమాచారం. అయితే ప్రస్తుతం సినిమా షూటింగ్‌లో బిజీగా ఉన్న పవన్ ఇవాళ సమావేశానికి హాజరవుతారా లేదా అన్నది సస్పెన్స్‌గా మారింది. 

Don't Miss