'పవన్' డిమాండ్ కు 'బాబు' స్పందన..

16:43 - January 6, 2017

శ్రీకాకుళం : జిల్లాలోని ఉద్దానం ప్రాంతంలోని  కిడ్నీ బాధితులను అన్ని విధాలా ఆదుకుంటామని ఏపీ ముఖ్యమంత్రి చంద్రబాబు హామీనిచ్చారు. జిల్లాలోని రాజాంలో నిర్వహించిన 'జన్మభూమి...మా ఊరు' కార్యక్రమానికి హాజరైన చంద్రబాబు..  కిడ్నీ సమస్యకు మూలాలు తెలుసుకుని, దాన్ని నివారించేందుకు కృషి చేస్తామని స్పష్టం చేశారు. సోంపేట, పలాసలో వెంటనే డయాలసిస్‌ సెంటర్లు ఏర్పాటు చేస్తామన్నారు. కిడ్నీ వ్యాధితో బాధపడుతున్న వారందరికీ పెన్షన్లు ఇవ్వనున్నట్టు ప్రకటించారు. ఆ గ్రామాలన్నింటికీ ఉచితంగా మినరల్‌ వాటర్‌ను సప్లై చేయడంతోపాటు... మొబైల్‌ డిస్పెన్సరీలను నడుపుతామన్నారు.

 

Don't Miss