ప్రాజెక్టులను కాంగ్రెస్ అడ్డుకుంటుంది

21:23 - April 27, 2017

వరంగల్ : టీఆర్ఎస్ ప్రగతి నివేదన బహిరంగ సభలో తెలంగాణ ముఖ్యమంత్రి కేసీఆర్ కాంగ్రెస్ నేతలపై నిప్పులు చెరిగారు. తెలంగాణలో నీళ్లులేక ఎండిపోయిన పంట పొలాలను సస్యశ్యామలం చేసేందుకు ప్రభుత్వం ప్రాజెక్టులు కడుతుంటే కాంగ్రెస్‌ దద్దమ్మలు ప్రాజెక్టులను అడ్డుకుంటున్నారని కేసీఆర్‌ ఆగ్రహం వ్యక్తం చేశారు. గ్రీన్‌ట్రిబ్యునల్లో కేసులు వేసి ప్రాజెక్టులను అడ్డుకొని తెలంగాణకు ద్రోహం చేస్తున్నారని తీవ్రస్థాయిలో విరుచుకుపడ్డారు. ఆనాడు ఉమ్మడి ఆంధ్రప్రదేశ్‌లో వైఎస్‌ రాజశేఖర్‌రెడ్డి, కిరణ్‌కుమార్‌రెడ్డి తెలంగాణకు అభివృద్ధిని అడుగడుగునా అడ్డుకొని తీరని ద్రోహం చేశారని విమర్శించారు. అలాంటి కాంగ్రెస్‌ నేతలను తరిమికొట్టాలని ప్రజలకు సీఎం కేసీఆర్‌ పిలుపునిచ్చారు.

 


 

Don't Miss