కేంద్ర బడ్జెట్‌లో ఏపీకి తీరని అన్యాయం : మధు

17:50 - February 3, 2018

విజయవాడ : కేంద్ర బడ్జెట్‌లో ఏపీకి తీరని అన్యాయం జరిగిందని సీపీఎం రాష్ట్ర కార్యదర్శి మధు అన్నారు. బడ్జెట్‌ తీరును నిరసిస్తూ ఈనెల 8వ తేదీన ఏపీ బంద్‌కు వామపక్షపార్టీల ఆధ్వర్యంలో బంద్‌ నిర్వహిస్తున్నట్లు తెలిపారు. విశాఖ రైల్వేజోన్‌, కడప ఉక్కు, రాజధానికి నిధులు, లోటు బడ్జెట్‌,  నిరుద్యోగ సమస్య, వ్యవసాయ సంక్షోభానికి కేటాయింపులు... వీటన్నింటిలో ఏ ఒక్కదానికీ నిధులు ప్రకటించలేదన్నారు.ఇది అన్నివర్గాల ప్రజలకు అన్యాయం చేయడమేనని మధు అన్నారు. కేంద్ర ప్రభుత్వం కార్పొరేట్‌ సంస్థలకు మాత్రం రాయితీలు ప్రకటించిందని మండిపడ్డారు. ఈ నెల 8న నిర్వహించే బంద్‌కు అన్ని వర్గాల ప్రజలు కలిసి రావాలని మధు విజ్ఞప్తి చేశారు. 

Don't Miss