హత్యచేసి చాందిని ఇంటికి వెళ్లిన సాయికిరణ్

12:55 - September 13, 2017

హైదరాబాద్ : చాందినిని హత్య చేసి అనంతరం నిందితుడు సాయికిరణ్ తమ ఇంటికి వచ్చినట్లు చాందిని పేరెంట్స్ చెబుతున్నారు. సాయికిరణ్ హత్య చేశాడని తెలిసి షాకయ్యామని చాందిని తల్లి అన్నారు. హత్యలో అతనికి మరికొందరు సాయం చేసినట్లు భావిస్తున్నామని ఆమె ఆరోపించారు. సాయికిరణ్‌ను కఠినంగా శిక్షించాలని చాందిని తల్లి డిమాండ్ చేస్తున్నారు. ఇక సాయి కిరణ్‌ తానే నేరం చేసినట్లు పోలీసుల ఎదుట అంగీకరించినట్లు తెలుస్తోంది. 2015 నుంచి చాందిని తను ప్రేమించుకుంటున్నామని .. ఆమె ప్రవర్తన నచ్చక 6 నెలల నుంచి దూరం పెట్టానని సాయికిరణ్‌ పోలీసులకు తెలిపాడు. అయితే చాందిని హత్య వెనుక సాయికిరణ్‌కు ఎవరెవరు సహకరించారనే వివరాలు తెలియాల్సి ఉంది. మరోవైపు చాందిని అక్క తాను కూడా చాందిని చదివిన స్కూల్‌లోనే చదివానని తెలిపింది. సాయికిరణ్‌, చాందిని క్లాస్‌మేట్ అని తెలుసని, ఇలా చంపేస్తాడని అనుకోలేదని చెప్పింది. ఏ ప్రాబ్లమైనా షేర్‌ చేసుకునేదని, లోలోపల ఇంత ఒత్తిడికి గురవుతోందని తెలీదని ఆవేదనకు గురైంది. 

Don't Miss