చిరు @151..ముహూర్తం ఖరారు..

10:58 - May 17, 2017

చాలా ఏళ్ల తరువాత రీ ఎంట్రీ ఇచ్చి 'ఖైదీ నెంబర్ 150'తో తన సత్తా ఏంటో 'చిరంజీవి' చూపెట్టాడు. దీనితో నెక్ట్ సినిమాపై భారీ అంచనాలు నెలకొన్నాయి. ఈ చిత్రంపైనే చిరు పూర్తిగా దృష్టి కేంద్రీకరించినట్లు తెలుస్తోంది. కానీ చిత్రం ఎప్పుడు ప్రారంభమవుతుందా ? విలన్..హీరోయిన్ ఎవరనే దానిపై అప్పుడే చర్చలు ప్రారంభమయ్యాయి. 'రామ్‌ చరణ్‌' మొన్న 'నాన్నగారి 151వ చిత్రం ఆగస్టులో ప్రారంభిస్తాం' అని స్వయంగా ప్రకటించినా నిర్ధిష్టమైన తేదీని మాత్రం వెల్లడించలేదు. తాజాగా ముహూర్తం ఖరారు చేసినట్లు టాక్. చిరంజీవి బర్త్ డే అయిన ఆగస్టు 22వ తేదీన చిత్రానికి క్లాప్ కొట్టవచ్చునని ప్రచారం జరుగుతోంది. రెగ్యులర్‌ షూటింగ్‌ మాత్రం సెప్టెంబర్‌ నుంచి మొదలు కానుందని, తెలుగు, తమిళ్‌ భాషల్లో నిర్మాణమయ్యే ఈ చిత్రానికి రామ్ చరణ్ నిర్మాతగా వ్యవహరించనున్నారు. సురేందర్‌ రెడ్డి దర్శకత్వం వహిస్తున్నారు.

Don't Miss