ప్రపంచం శాంతిగా ఉండాలి: సల్మాన్‌రాజు

08:55 - December 25, 2016

మెదక్ : దేశ వ్యాప్తంగా క్రిస్మస్ సంబరాలు అంబరాన్నింటాయి. ఆసియాలోనే రెండవ అతిపెద్ద సుప్రసిద్ధ మెదక్ చర్చ్‌లో తెల్లవారుజామునే ప్రార్థనలు ప్రారంభమయ్యాయి. ప్రభువు దయతో ప్రపంచం శాంతియుతంగా ఉండాలని బిషప్ రెవండ్ సల్మాన్‌రాజు అన్నారు. భక్తుల రాకతో చర్చి ప్రాంగణమంతా కోలాహలంగా మారింది.

మెదక్ చర్చిలో క్రిస్మస్ శోభ
ప్రపంచ ప్రఖ్యాతిగాంచినది మెదక్‌ చర్చి. ఇది మన రెండు తెలుగురాష్ట్రాలకి తలమానికమని చెప్పవచ్చు. ఇది ఆసియా ఖండంలోనే రెండో అతిపెద్ద చర్చిగా కూడా పేరొందింది. ప్రేమ, శాంతి, మత సామరస్యానికి ప్రతీకగా ఈ చర్చి నిలిచింది. క్రిస్మస్‌ పర్వదినాన్ని పురస్కరించుకొని వారం రోజుల పాటు జాతర జరుగుతోంది. రాష్ట్ర వ్యాప్తంగానే కాకుండా దేశ విదేశాల నుంచి ఈ చర్చిని సందర్శించడానికి వస్తున్నారు. చరిత్రాత్మక విశిష్టత కలిగిన ఈ చర్చి క్రిస్మస్‌ పండగ సందర్భంగా కొత్త శోభను సంతరించుకుంది.

Don't Miss