పందెంలో పాల్గొంటే తల పగిలింది..

18:13 - January 15, 2018

కొత్తగూడెం : సంక్రాంతి పండుగ సందర్భంగా పందాల జోరు కొనసాగుతోంది. ఉభయ గోదావరి జిల్లాలో జరుగుతున్న పందాల్లో వందల కోట్ల రూపాయలు చేతులు మారుతున్నట్లు సమాచారం. పశ్చిమగోదావరి జిల్లాలో కలిసిపోయిన తెలంగాణ జిల్లాలోని కొన్ని మండలాల్లో కూడా పందాలు జరిగాయి. భద్రాచలం చుట్టుపక్కల మండలాలకి చెందిన వారు పందాలను వీక్షించడానికి..పాల్గొనడానికి వెళ్లారు. వీఆర్ పురంలోని రేఖపల్లిలో జరిగిన పందాల్లో నిర్వాహకులు రెచ్చిపోయారు. పందెంలో గెలుపొందిన దుమ్ముగూడెంకు చెందిన రామారావుపై నిర్వాహకులు దాడి చేశారు. తలకు తీవ్రగాయం కావడంతో అతడిని ఆసుపత్రికి తరలించారు. పోలీసులకు తెలిసినా ఎలాంటి చర్యలు తీసుకోలేదని తెలుస్తోంది. 

Don't Miss