రాహుల్ సీటు కేటాయింపుపై వివాదం..

21:32 - January 26, 2018

ఢిల్లీ : రిపబ్లిక్‌ డే పరేడ్‌ సందర్భంగా కాంగ్రెస్ పార్టీ అధ్యక్షుడు రాహుల్ గాంధీకి ఆరవ వరసలో సీటు కేటాయించడంపై ఆ పార్టీ మండిపడింది. ఏళ్ల తరబడి వస్తున్న సంప్రదాయాలకు తిలోదకాలిచ్చి చౌకబారు రాజకీయాలకు మోది ప్రభుత్వం పాల్పడిందంటూ దుయ్యబట్టింది. రాహుల్ గాంధీ తనకు కేటాయించిన ఆరో వరుసలో రాజ్యసభ విపక్ష నేత గులాం నబీ ఆజాద్‌తో కలిసి కూర్చుకున్నారు. రాహుల్ గాంధీకి మొదటి వరుసలో చోటు కేటాయించకపోవడాన్ని పార్టీ ప్రతినిధి రణ్‌దీప్ సూర్జేవాలా తప్పుపట్టారు. అహంకారులైన పాలకులు అన్ని సంప్రదాయాలకు తిలోదకలిచ్చారని పేర్కొన్నారు. నిజానికి కాంగ్రెస్ అధ్యక్షుడికి నాలుగో వరుసలో సీటు కేటాయించినప్పటికీ ఆ తర్వాత ఉద్దేశపూర్వకంగానే ఆరో వరుసకు మార్చారని...మాకు మాత్రం రాజ్యాంగపరమైన సెలబ్రేషన్స్ చాలా ముఖ్యమని సూర్జేవాలా ట్వీట్ చేశారు.

Don't Miss