ఫేస్ బుక్ ఫ్రెండ్ పుట్టినరోజుకు వచ్చి..

12:45 - October 10, 2018

చెన్నై :  ఫేస్ బుక్ లో తనకు పరిచయమైన యువతిపై ఓ కానిస్టేబుల్ అనుమానం పెంచుకున్నాడు.అనుమానం పెనుభూతంగా మారి విచక్షణ మరిచాడు. ఆమె మరెవరితోనో సన్నిహితంగా వుంటుందనే అనుమానంతో, ఆమెను కాల్చి చంపి, తనూ ఆత్మహత్య చేసుకున్నాడు. చెన్నై సమీపంలోని విల్లుపురం, అన్నియూరులో జరిగిన ఈ దారుణం చోటుచేసుకుంది. కానిస్టేబుల్ గా పనిచేస్తున్న కార్తివేలు అనే యువకుడికి మెడిసిన్ చదువుతున్న సరస్వతి సోషల్ మీడియా దిగ్గజం ఫేస్ బుక్ లో పరిచయమైంది. ఈ క్రమంలో వారి మధ్య స్నేహం ఏర్పడింది. అది ప్రేమగా మారింది. గత కొంతకాలంలో సరస్వతి తనకు దూరమవుతూ, మరెవరికో దగ్గరవుతోందన్న అనుమానం కార్తివేలులో పెరిగిపోయింది. ఈ నేపథ్యంలో సరస్వతి పుట్టిన రోజురాగా, వేడుకల్లో పాలుపంచుకునేందుకు ఆమె వద్దకు వచ్చాడు. ఆపై వీరిద్దరి మధ్యా వాగ్వాదం జరుగగా, తుపాకితో సరస్వతిని కాల్చిచంపిన కార్తివేలు, ఆపై తనను తాను కాల్చుకున్నాడు. విషయం తెలుసుకున్న పోలీసులు కేసు నమోదు చేసి దర్యాఫ్తు చేస్తున్నట్టు వెల్లడించారు.

Don't Miss