బస్సు బోల్తా.. 25 మందికి గాయాలు

09:14 - September 11, 2017

మెదక్‌ : జిల్లాలో ఘోర రోడ్డు ప్రమాదం జరిగింది. కౌడిపల్లి మండలం నాగసానిపల్లి దగ్గర పర్యాటక బస్సు బోల్తాపడింది. ఏడు పాయల నుంచి హైదరాబాద్‌కు వెళ్తున్న బస్సు.. ఎదురుగా వస్తున్న వాహనాన్ని  తప్పించబోయి అదుపుతప్పింది. పక్కనే ఉన్న కల్వర్టును ఢీకొట్టింది. ఈ ప్రమాదంలో 25మంది గాయపడ్డారు. క్షతగాత్రులను సమీపంలోని నర్సాపూర్‌ ప్రభుత్వ ఆస్పత్రికి తరలించారు. గాయపడ్డ వారంతా హైదరాబాద్‌లోని రామ్‌నగర్‌కు చెందిన వారిగా గుర్తించారు. పింకి ఆనంద్‌ కుమారుడు రుత్విక్‌ పుట్టు వెంట్రుకలు ఏడుపాయల దగ్గర తీసి తిరుగివస్తుండగా ఈ ప్రమాదం జరిగింది. గాయపడ్డ వారిలో కొందరి పరిస్థితి సీరియస్‌గా ఉండడంతో వారిని గాంధీ ఆస్పత్రికి తరలించారు. 

 

Don't Miss