ఎన్ హెచ్ఆర్సీ యాక్షన్, 'మా'రియాక్షన్..

20:44 - April 12, 2018

హైదరాబాద్ : శ్రీరెడ్డి చేస్తున్న ఆందోళన జాతీయస్థాయిని కదిలించింది. శ్రీరెడ్డిని ఒక చిన్న సాధారణ ఆర్టిస్ట్ గా భావించిన 'మా' అసోసియేషన్ , జాతీయ మానవ హక్కుల సంఘం స్పందించటంతో 'మా', దిమ్మ తిరిగిపోయింది. దీంతో కల్లబొల్లి బాసలతో శ్రీరెడ్డి మా కుటుంబ సభ్యురాలే అంటు చల్లటి పదాలను ఉపయోగించింది. ఇదే మా అసోసియేషన్ శ్రీరెడ్డికి సభ్యుత్వం ఇచ్చే ప్రసక్తే లేదని ఖరాకండీగా ప్రెస్ మీట్ పెట్టి మరీ చెప్పిన విషయం తెలిసిందే. ఈ క్రమంలో జాతీయ హెచ్ ఆర్సీ స్పందనతో డిఫెన్స్ లో పడ్డ 'మా' కాస్టింగ్ కౌచ్ పై పరిశ్రమలోని సీనియర్ నటులు, అధికారులతో కూడిన ఓ కమిటీని ఏర్పాటు చేస్తున్నట్లుగా మా అసోసియేషన్ తెలిపింది. శ్రీరెడ్డితో రెండు సినిమాలు చేస్తానని దర్శకుడు తేజ హామీ ఇచ్చారని మా తెలిపింది. కాగా శ్రీరెడ్డిపై 'మా'అసోసియేషన్. నిషేదాన్ని ఎత్తివేసింది. నటి శ్రీరెడ్డి కూడా మా కుటుంబంలో సభ్యురాలేననీ..ఆమెపై మాకు కోపం లేదని పేర్కొంది. ఆమె ఎవరితోనైనా నటించవచ్చనీ, ఆమెతో కూడా ఎవరైనా నటించవచ్చని మా అసోసియేషన్ ప్రకటించింది. శ్రీరెడ్డి చేసిన ఆరోపణలకు మానస్తాపం చెందామని మా అసోసియేషన్ పేర్కొంది. ఈ నేపథ్యంలో శ్రీరెడ్డి చేస్తున్న ఆందోళనపై జాతీయ మానవ హక్కుల సంఘం స్పందించింది. రాష్ట్ర ప్రభుత్వం, కేంద్ర సమాచార, ప్రసార మంత్రిత్వ శాఖకు హెచ్ ఆర్సీ నోటిసులను జారీ చేసింది. 

Don't Miss