'రెండు నెలలుగా నీళ్లు లేవు'..

17:53 - January 13, 2018

రంగారెడ్డి : రెండు నెలలుగా నీళ్లు లేక ఇబ్బందిపడుతున్నా.. సర్పంచ్‌ కానీ అధికారులు పట్టించుకోవడం లేదంటూ మండిపడుతున్నారు ధర్మన్నగూడ వాసులు. రంగారెడ్డి జిల్లా యాచారం మండలంలోని చింతుళ్ల గ్రామపంచాయితీలో ధర్మన్నగూడ వాసులంతా దాదాపు దళితులే.. అక్కడ ఉన్న కుటుంబాలన్నింటికి ఒకే వాటర్‌ ట్యాంక్‌ ఉందని.. రెండు నెలల క్రితం అండర్‌ డ్రైనేజీ పనుల కోసం పైప్‌లైన్‌లను తీశారని.. అవి అలానే వదిలేశారని గ్రామస్థులు వాపోతున్నారు. నీరు లేక ఇబ్బందులు ఎదుర్కొంటున్నా.. ఏ ఒక్క అధికారి పట్టించుకోవడం లేదని ఆవేదన వ్యక్తం చేస్తున్నారు.

 

Don't Miss