‘దిల్' రాజు సతీమణి కన్నుమూత..

13:27 - March 12, 2017

ప్రముఖ నిర్మాత, పంపిణీ దారుడు 'దిల్' రాజు సతీమణి 'అనిత' (46) కన్నుమూశారు. హైదరాబాద్ లోని అపోలో ఆసుపత్రిలో శనివారం గుండెపోటుతో తుదిశ్వాస విడిచారు. ఆ సమయంలో 'దిల్' రాజు అమెరికాలో ఉన్నారు. ‘ఫిదా' సినిమా షూటింగ్ నిమిత్తం ఆయన అక్కడున్నారు. విషయం తెలుసుకున్న వెంటనే హైదరాబాద్ కు బయలుదేరారు. ఈ విషయం తెలుసుకున్న టాలీవుడ్ నటులు సంతాపం ప్రకటించారు. శ్రీ వెంకటేశ్వర నిర్మాణ సంస్థను స్థాపించిన 'దిల్' రాజు పలు విజయమంతమైన చిత్రాలు నిర్మిస్తున్న సంగతి తెలిసిందే. తొలి చిత్రం 'దిల్' తో అద్భుత విజయాన్ని అందుకున్న అప్పటి నుండి తన పేరును 'దిల్ రాజు' గా మార్చుకున్నారు. దిల్ రాజు, అనిత దంపతులకు ఇటీవలే కుమార్తె హన్హిత రెడ్డి వివాహం జరిపిన సంగతి తెలిసిందే.

Don't Miss