టాలీవుడ్ లో డ్రగ్స్ ప్రకంపనలు

11:28 - July 14, 2017

హైదరాబాద్ : టాలీవుడ్‌లో డ్రగ్స్‌ ప్రకంపనలు కొనసాగుతున్నాయి. సిట్ నోటీసులు సినీ ప్రముఖులను హడలెత్తిస్తున్నాయి. సినీ ప్రముఖులకు నిద్రలేకుండా చేస్తున్నాయి. డ్రగ్‌ నోటీసులు అందుకున్న వారిలో ప్రముఖ హీరోలు రవితేజ, తరుణ్‌, నవదీప్‌, తనీష్‌ పేర్లు బయటకొచ్చాయి. హీరోయిన్లు ఛార్మి, ముమైత్‌ఖాన్‌లు కూడా సిట్‌ నోటీసులు అందుకున్నవారిలో ఉన్నారు. క్యారెక్టర్‌ ఆర్టిస్టులు సుబ్బరాజు, నందు, ఆర్ట్‌ డైరెక్టర్‌ చిన్నా, నిర్మాత శ్రీనివాసరావు, డైరెక్టర్‌ పూరీ జగన్నాథ్‌ సిట్ నోటీసులు అందుకున్నారు. వీరందరిని సిట్ కార్యాలయంలోనే విచారిస్తామని అకున్‌సబర్వాల్‌ అంటున్నారు. ఛార్మి, ముమైత్‌ఖాన్‌లను మాత్రం వారు కోరుకున్న చోటే విచారిస్తామని చెప్పారు. ఈ నెల 19 నుంచి విచారణ ప్రారంభం కానుంది. మరో వైపు సిట్ నోటీసులు ఇచ్చేందుకు రెండో జాబితాను కూడా సిద్ధం చేస్తోంది. మరిన్ని వివరాలను వీడియోలో చూద్దాం...

Don't Miss