చిక్కులో కార్తీ చిదంబంరం....

21:33 - May 19, 2017

ఢిల్లీ : కేంద్ర మాజీ మంత్రి పి.చిదంబరం తనయుడు కార్తీ చిదంబరం మరిన్ని ఇబ్బందుల్లో చిక్కుకున్నారు. తాజాగా ఎన్‌ఫోర్స్‌మెంట్‌ డైరెక్టరేట్‌ కార్తీపై మనీలాండరింగ్‌ కేసు నమోదు చేసింది. కార్తీతో పాటు ఐఎన్‌ఎక్స్‌ మీడియా డైరెక్టర్స్‌ పీటర్‌ ముఖర్జియా, ఆయన భార్య ఇంద్రాణీ ముఖర్జియాపై ఈడీ కేసు నమోదు చేసింది. ఇంద్రాణీ, పీటర్‌ ముఖర్జీయాలకు చెందిన ఐఎన్‌ఎక్స్‌ మీడియాకు దొడ్డిదారిలో అనుమతులు మంజూరు చేయించినట్టు కార్తిపై ఆరోపణలున్నాయి. 2007లో అప్పటి ఆర్థికమంత్రిగా ఉన్న చిదంబరం ఈ మీడియా సంస్థకు క్లియరెన్స్‌ ఇచ్చారు. చిదంబరం, ఆయన కుమారుడు భారీగా ముడుపులు తీసుకున్నట్లు ఆరోపణలు రావడంతో సిబిఐ కేసు నమోదు చేసింది. ప్రస్తుతం కార్తీ చిదంబరం లండన్‌లో ఉన్నారు.

Don't Miss