గుజరాత్..హిమాచల్ లో ఎన్నికల ఫీవర్..

15:27 - October 12, 2017

ఢిల్లీ : గుజరాత్‌, హిమాచల్‌ ప్రదేశ్‌ అసెంబ్లీ ఎన్నికల ప్రకటన సాయంత్రం 4 గంటలకు వెలువడనుంది. ఎన్నికల ప్రకటన వెలువడక ముందే ఈ రెండు రాష్ట్రాల్లో ఎన్నికల ప్రచారం ఇప్పటికే వేడెక్కెంది. కాంగ్రెస్‌, బిజెపిల మధ్యే ప్రధాన పోటీ ఉండనుంది. హిమాచల్‌ ప్రదేశ్‌లో మొత్తం 68 అసెంబ్లీ స్థానాలున్నాయి. గత ఎన్నికల్లో కాంగ్రెస్‌ 36, బిజెపి 26 స్థానాలు గెలుచుకున్నాయి. హిమాచల్‌ ముఖ్యమంత్రిగా కాంగ్రెస్‌ సీనియర్ నేత వీరభద్రసింగ్‌ ఆరుసార్లు పనిచేశారు. హిమాచల్‌ అసెంబ్లీకి నవంబర్‌లో ఒకే విడతలో ఎన్నికలు జరిగే అవకాశముంది. గుజరాత్‌లో 1998 నుంచి వరుసగా బిజెపి అధికారంలో ఉంది. గుజరాత్‌లో మొత్తం 182 అసెంబ్లీ స్థానాలకు డిసెంబర్‌లో ఎన్నికలు జరిగనున్నట్లు సంకేతాలున్నాయి.

 

Don't Miss