అంబేద్కర్‌ జయంతోత్సవాల్లో రసాభాస..

18:40 - April 14, 2018

హైదరాబాద్ : కూకట్‌ప్లల్లి అంబేద్కర్‌ జయంతోత్సవాల్లో రసాభాస నెలకొంది. ఎంపీ మల్లారెడ్డి, ఎమ్మెల్యే మాధవరం కృష్ణారావు, మేడ్చల్‌ జిల్లా కలెక్టర్‌ వెంకటేశ్వర్‌ రెడ్డి తదితరులు ఈ కార్యక్రమంలో పాల్గొన్నారు. సభలో కలెక్టర్‌పై తీరుపై మాజీ కేంద్రమంత్రి సర్వే సత్యనారాయణ మండిపడ్డారు. జిల్లా కలెక్టర్‌ అధికార పార్టీకి కొమ్ము కాస్తున్నారని ఆరోపించారు. దీంతో వేదికపై ఉన్న ఎమ్మెల్యే కృష్ణారావు కల్పించుకొని ఇది రాజకీయ సభ కాదని దేశం గర్వించదగ్గ మహానీయుడి సభలో ఇలా మాట్లాడ్డం సరికాదన్నారు. దీంతో ఇరువురి మధ్య తోపులాట జరిగింది. అక్కడే ఉన్న పోలీసులు ఇరువురిని శాంతింజేసేందుకు ప్రయత్నించారు. వారిని అక్కడి నుండి పంపించి వేశారు. 

Don't Miss