సీఎం చంద్రబాబుపై మాజీ స్పీకర్‌ నాదెండ్ల ఆగ్రహం

17:33 - January 12, 2017

విశాఖ: గత ఏడాది ఇదే రోజూ విశాఖలో నిర్వహించిన పార్ట్‌నర్‌షిప్‌ సమ్మిట్‌లో ఏపీ ప్రభుత్వం కుదుర్చుకున్న ఎంవోయూల్లో ఏ ఒక్కటి కూడా అమలు కాలేదని మాజీ స్పీకర్‌ నాదెండ్ల మనోహర్‌ విమర్శించారు. 331 ఎంవోయూలు కుదుర్చుకున్నామని, 4లక్షలకు పైగా పెట్టుబడులు, ఆరు లక్షల ఉద్యోగాలు వస్తాయని నాడు చంద్రబాబు ప్రకటించారని గుర్తు చేశారు. ఇప్పటి వరకు యువతకు ఒక్క ఉద్యోగం కూడా రాలేదన్నారు. ఒక్క కంపెనీ కూడా ప్రారంభం కాలేదన్నారు. దీనిపై ముఖ్యమంత్రి చంద్రబాబు సమాధానం చెప్పాలని, వెంటనే శ్వేతపత్రం విడుదల చేయాలని ఆయన డిమాండ్‌ చేశారు.

Don't Miss