బిడ్డల్ని కడతేర్చిన కసాయి తండ్రి..

11:37 - December 10, 2016

మహబూబ్‌నగర్ : కన్నవారే పిల్లల పాలియ యముడుగా మారుతున్నారు. కన్నబిడ్డలకు క్షణికావేశంలో పొట్టనపెట్టుకుంటున్నారు. మద్యం మత్తులో కూడా కన్నబిడ్డలను కడతేరుస్తున్నారు. ఇటువంటి ఘటనే జడ్చర్ల మండలం బూరుగుపల్లిలో చోటుచేసుకుంది. పెద్దతండాలో కూతురు, కొడుకును తండ్రి హత్యచేశాడు. కుటుంబ కలహాలే కారణమని స్థానికులు చెబుతున్నారు. ఈ ఘటన ఆలస్యంగా వెలుగులోకి వచ్చింది. గత ఆరు నెలలుగా లింగయ్య నాయక్ అనే వ్యక్తి భార్యతో గొడవలు పడుతున్నాడు. ఈ క్రమంలో భార్యతో వివాదాలు పెరగటంతో మద్యం మత్తులో చరణ్ ,లక్ష్మి అనే ముక్కపచ్చలారని తన ఇద్దరు పిల్లను హత్య చేశాడు. చంపివేసి గుట్టు చప్పుడు కాకుండా చెట్ల పొదల్లో పడేశాడు. వ్యవసాయ పనుల నినిమిత్తం వెళ్లిన గ్రామస్థులు చెట్ల పొదల్లో వున్న చిన్నారుల మృతదేహాలను గమనించారు. అనంతరం పోలీసులకు ఫిర్యాదు చేశారు. దీంతో సంఘటనాస్థలికి చేరుకున్న పోలీసులు పరిస్థితిని పరిశీలించి లింగయ్య నాయక్ ను అదుపులోకి తీసుకుని విచారిస్తున్నారు. 

Don't Miss