సీపీఎం మహాజనపాదయాత్రలో గద్దర్ ఆటా పాట

18:03 - January 8, 2017

జనగామ : జిల్లాలో సీపీఎం మహాజన పాదయాత్ర కొనసాగుతోంది. మహాజన పాదయాత్రకు ప్రజా గాయకుడు గద్దర్ సంఘీభావం తెలిపారు. ఈ సందర్భంగా తన ఆటా పాటలతో అలరించాడు. అమరవీరుల త్యాగాలు, ఉద్యమ గీతాలు పాడి వినిపించారు. అనంతరం ఆయన మాట్లాడుతూ 'మనది పాలకపక్షం కాదు.. ప్రతిపక్షం కాదని.. ప్రజల పక్షం' అని అన్నారు. ఇబ్రహీంపట్నంలో 2016అక్టోబర్ 8న సీపీఎం మహాజన పాదయాత్ర ప్రారంభమైంది. పాదయాత్ర బృందానికి ఆ పార్టీ రాష్ట్ర కార్యదర్శి తమ్మినేని వీరభద్రం నేతృత్వం వహిస్తున్నారు. తొమ్మిది మంది బృందంతో పాదయాత్ర కొనసాగుతోంది. ఇప్పటికే పాదయాత్ర రెండు వేల కిలో మీటర్లకు పైగా పూర్తి చేసుకుంది. ప్రస్తుతం జనగామ జిల్లాలో పాదయాత్ర కొనసాగుతోంది. పాదయాత్ర బృందానికి ప్రజలు ఘన స్వాగతం పలుకుతున్నారు. పార్టీలకతీతంగా నేతలు పాదయాత్రకు సంఘీభావం తెలుపుతున్నారు. అశేషజనవాహని పాదయాత్ర కొనసాగుతోంది. ప్రజలు బ్రహ్మరథం పడుతున్నారు. బడుగు,   బలహీన వర్గాల ప్రజలు తమ సమస్యలను బృందానికి ఏకరువుతుపెడుతున్నారు. మరిన్ని వివరాలను వీడియోలో చూద్దాం.... 
 

Don't Miss