పీపుల్స్‌ ప్రొగ్రెస్‌ ట్రస్ట్‌ ఆధ్వర్యంలో నిరుపేద విద్యార్థులకు ఉచిత విద్య, వసతి

15:44 - April 20, 2017

హైదరాబాద్: చుక్కా రామయ్య ఆధ్వర్యంలో పీపుల్స్‌ ప్రొగ్రెస్‌ ట్రస్ట్‌ ద్వారా తెలంగాణాలోని నిరుపేద విద్యార్థులకు ఉచిత విద్య , వసతి అందిస్తున్నట్టు ట్రస్టు కార్యదర్శి దయాకర్‌ రెడ్డి తెలిపారు. ఇందులో భాగంగా ఈ సంవత్సరం 350 మంది విద్యార్థులకు ఉచిత విద్య, వసతి అందిస్తామని...మే 14న జిల్లా కేంద్రాల్లో రాత పరీక్ష నిర్వహిస్తామని తెలిపారు . 1995లో ప్రగతి నగర్‌లో ఏర్పడిన ఈ ట్రస్టు ద్వారా ఉచితంగా విద్య, వైద్యం అందిస్తున్నామన్నారు. ఇప్పటికే వంద పడకలతో పీపుల్స్‌ ఆస్పత్రిని నిర్వహిస్తున్నామని ..త్వరలో వంద గదులతో వృద్ధాశ్రమాన్ని నిర్మిస్తామని తెలిపారు . అలాగే ఎటువంటి లాబాపేక్ష లేకుండా , సామాజిక దృక్పథంతో పీపుల్స్ ట్రస్ట్‌ నిర్వహిస్తున్నారని చుక్కా రామయ్య అన్నారు . సామాజికంగా..రాజకీయంగా వెనుకబడిన విద్యార్థులకు ఉచితంగా విద్య, వసతి అందించేందుకు ముందుకు వచ్చిన నిర్వాహకులను అభినందిస్తున్నామన్నారు. 

Don't Miss