జీఎస్టీ నుండి, విద్యా, వైద్య రంగాలకు మినహాయింపు..

21:34 - May 19, 2017

ఢిల్లీ: జీఎస్‌టీ పరిధి నుంచి కీలకమై ఆరోగ్య సంరక్షణ, విద్యా రంగాలకు మినహాయింపు నిచ్చినట్లు ఆర్థికమంత్రి అరుణ్‌ జైట్లీ తెలిపారు. జమ్ముకశ్మీర్‌ రాజధాని శ్రీనగర్‌లో జరిగిన జిఎస్‌ కౌన్సిల్‌ సమావేశం సర్వీస్‌ టాక్స్‌పై కీలక నిర్ణయం తీసుకుంది. సేవా రంగానికి వర్తించే నాలుగు పన్ను రేట్లను కౌన్సిల్‌ నిర్ణయించింది. పన్ను రేట్లు 5 శాతం, 12 శాతం, 18 శాతం, 28 శాతం ఉన్నట్లు జైట్లీ తెలిపారు. ట్రాన్స్‌పోర్టు సర్వీసులకు 5 శాతం, లగ్జరీ సర్వీసులపై 28 శాతం పన్ను విధిస్తారు. కొత్త విధానం ప్రకారం రైలు, విమాన, రోడ్డు రవాణా సేవలపై 5 శాతం పన్ను విధిస్తారు. నాన్ ఏసీ రెస్టారెంట్ల సేవలపై 12 శాతం, బార్‌ అండ్‌ రెస్టారెంట్ల సేవలపై 18 శాతం, ఫైవ్ స్టార్‌ హోటళ్ళపై 28 శాతం పన్ను విధిస్తారు. రేస్‌క్లబ్‌, బెట్టింగ్‌, సినిమా హాల్స్‌పై 28 శాతం పన్ను ఉంటుంది. అయితే వెయ్యి కన్నా తక్కువ టారిఫ్‌గల హోటళ్ళను జీఎస్‌టీ నుంచి మినహాయించారు. బంగారంపై విధించాల్సిన పన్ను రేటును జూన్‌3న జరిగే జిఎస్‌టి కౌన్సిల్‌ సమావేశం నిర్ణయిస్తుందని జైట్లీ చెప్పారు. జిఎస్‌టి జూలై 1 నుంచి అమలులోకి తేవాలని కేంద్రం భావిస్తోంది. 

Don't Miss