తరుణ్‌ తేజ్‌పాల్‌కు కోర్టులో ఎదురుదెబ్బ

22:13 - September 7, 2017

గోవా : లైంగిక ఆరోపణలు ఎదుర్కొంటున్న తెహల్కా ఎడిటర్‌ తరుణ్‌ తేజ్‌పాల్‌కు గోవా కోర్టులో ఎదురుదెబ్బ తగిలింది. తరుణ్‌పై అభియోగాలు నమోదు చేయాలని కోర్టు ఆదేశించింది. తదుపరి విచారణను ఈనెల 28కి వాయిదా వేసింది. 2013 నవంబర్‌లో గోవాలోని ఓ ఫైఫ్ స్టార్ హోటల్‌లో తేజ్‌పాల్ తనపై లైంగిక దాడికి పాల్పడ్డారంటూ మహిళా జర్నలిస్టు ఆరోపణలు చేశారు. హోటల్‌లోని ఓ లిఫ్టులోకి లాగి తేజ్‌పాల్ తనను వేధించారంటూ బాధితురాలు తెహెల్కా మేనేజింగ్ ఎడిటర్ షోమా చౌధురీకి ఫిర్యాదు చేశారు. తేజ్‌పాల్‌పై ఐపిసి 341, 342, 376 సెక్షన్ల కింద పోలీసులు కేసు నమోదు చేశారు. అయితే ఈ కేసు ఫైనల్‌ ఛార్జ్‌షీటులో 376 సెక్షన్‌ తొలగించారని తేజ్‌పాల్‌ తరపు న్యాయవాది ప్రమోద్‌ దూబె అన్నారు. అదనంగా 354-బి సెక్షన్‌ పొందుపరచినట్లు పబ్లిక్‌ ప్రాసిక్యూటర్ తవోరా తెలిపారు.  

 

Don't Miss