ద్వారకాతిరుమలలో ముక్కోటి సందడి..

13:08 - January 7, 2017

పశ్చిమగోదావరి : జిల్లా ద్వారకాతిరుమల శ్రీ వెంకటేశ్వరస్వామి వైకుంట ఏకాదశి ఉత్తరద్వార దర్శనానికి అన్ని ఏర్పాట్లు చేశారు అధికారులు. ముక్కోటి ఏదాదశి పర్వదినాన్ని పురస్కరించుకొని ఆలయ ప్రాంగణాన్ని ప్రత్యేక విద్యుత్ దీపాలు, ప్రత్యేక పూల అలంకరణతో శోభయమానంగా తీర్చిదిద్దారు. లక్షలాదిగా తరలివచ్చే భక్తులకు ప్రత్యేక క్యూలైన్లను ఏర్పాటు చేశారు. ఆగమ శాస్త్రయుక్తంగ ఉత్తరముఖ ద్వారా దర్శనం రేపు తెల్లవారుజామున 4 గంటల నుండి ప్రారంభం అవుతాయని ఆలయ ఈవో వేండ్ర త్రినాధరావు తెలిపారు. ముక్కోటి ఏకాదశి పర్వదినం, అందులోనూ ఆదివారం కావడంతో భక్తులు అధిక సంఖ్యలో తరలివస్తారనే అంచనాలతో దేవాలయ ప్రాంగణంలో ప్రత్యేక ఏర్పాట్లు చేశారు ఆలయ అధికారులు.  

Don't Miss