జీలకర్ర దినుసే కాదు.. దివ్యౌషధం...

11:56 - October 10, 2017

తాలింపు దినుసుల్లో ముఖ్యమైంది జీలకర్ర. జీలకర్ర దినుసు మాత్రమే కాదు.. దివ్యౌషధం. ఆహారానికి మంచి రుచిని, సువాసనను ఇచ్చే జీలకర్రను చాలా మంది ఇష్టపడతారు. దాని వల్ల కలిగే మేలు ఏంటో ఎప్పుడయినా ఆలోచించారా.. లేదంటే మాత్రం ఇది చదవాల్సిందే.

జీలకర్రలో యాంటీ ఆక్సిడెంట్లు అధికం. అవి శరరీంలో రోగనిరోధకశక్తిని పెంచుతాయి. వ్యర్థాలను బయటకు పంపుతాయి. ఈ కాలంలో చిన్నారులకు తినిపించే ఆహారంలో జీకర్ర ఉండేలా చూసుకోవడం మంచిది. రకరకాల ఇన్ ఫెక్షన్లూ తగ్గుముఖంపడతాయి. కప్పు నీళ్లలో జీలకర్ర వేసి మరిగించి కాసేపయ్యాక వడకట్టి అందులో తేనె, తులసి ఆకులు వేసి తాగితే అద్భుతమైన ప్రయోజనాలు చేకూరుతాయి.

లోబీపీ ఉన్నవారు జీలకర్రను ఎక్కువగా తీసుకోవడం వల్ల రక్తపోటు నియంత్రణలో ఉంటుందని. మధుమేహం ఉన్న వారికీ ఇది మేలు చేస్తుంది. జీలకర్రలో ఇనుము అధికంగా ఉంటుంది.

జీలకర్ర జీర్ణక్రియ రేటును వేగవంతం చేస్తుంది. పొట్ట ఉబ్బరంగా ఉన్నప్పుడు జీలకర్రతో చేసిన టీని తీసుకోవడం ద్వారా ఉపశమనం లభిస్తుంది.

Don't Miss