వాతావరణ శాఖ హెచ్చరికలు...

13:16 - May 14, 2018

ఢిల్లీ : భారతదేశంలో భిన్నమైన వాతావరణం కనబడుతోంది. పలు రాష్ట్రాలు ఎండలు మండిపోతుండగా మరికొన్ని రాష్ట్రాల్లో ఈదురుగాలులు..భారీ వర్షాలు కురుస్తున్నాయి. దీనితో ప్రాణ..ఆస్తి నష్టం సంభవిస్తోంది. ముఖ్యంగా ఉత్తర, దక్షిణాది రాష్ట్రాలపై ప్రకృతి పడగ విప్పుతోంది. రాబోయే 24గంటల్లో పలు రాష్ట్రాల్లో ఈదురుగాలులతో పాటు భారీ వర్షాలు కురిసే అవకాశం ఉందని భారత వాతావరణ శాఖ హెచ్చరించింది. మధ్యప్రదేశ్, ఝార్ఖండ్, అసోం, మేఘాలయ, మహారాష్ట్రల్లో భారీ వర్షాలు పడొచ్చని పేర్కొంది. అంతేగాకుండా కర్ణాటక, కేరళ, తమిళనాడులో కూడా ఈదురుగాలులతో కూడిన భారీ వర్షాలు కురుస్తాయని వెల్లడించింది.

ఇటీవలే దేశంలోని పలు రాష్ట్రాల్లో భారీ వర్షాలకు ప్రాణ..ఆస్తి నష్టం సంభవిస్తున్న సంగతి తెలిసిందే. దేశ వ్యాప్తంగా ఈదురుగాలులు..భారీ వర్షాలకు 53 మంది మృతి చెందారు. అత్యధికంగా యూపీలో 39 మంది దుర్మరణం చెందారు. ఏపీలో 9గురు, బెంగాళ్ లో 4గురు ఢిల్లీలో ఒకరు మృతి చెందారు. దీనితో ఈదురుగాలులు..భారీ వర్షాలు కురిసే సమయంలో సురక్షిత ప్రాంతాలకు తరలివెళ్లాలని అధికారులు సూచించారు. ఈ సమయంలో ప్రాణ..ఆస్తి నష్టం జరగుకుండా చర్యలు తీసుకోవాలని సూచించింది. మే చివరి నాటికి కేరళకు రుతుపవనాలు తాకే అవకాశం ఉందని వాతావరణ శాఖ అంచనా వేస్తోంది. 

Don't Miss