ముంబైని ముంచెత్తుతున్న వర్షాలు

11:08 - July 11, 2018

ముంబై : దేశ ఆర్థిక రాజధాని ముంబయిని భారీ వర్షాలు ముంచెత్తున్నాయి. భారీవర్షాలతో ముంబై అతలాకుతలం అయింది. వర్షపు నీటిలో ముంబై వీధులు మునిగి తేలుతున్నాయి. గత 24 గంటల నుంచి ఎడతెరిపి లేకుండా వర్షం కురుస్తుండడంతో జనజీవనం స్తంభించింది. రోడ్లు, వీధులన్నీ జలమయం అయ్యాయి. ఇళ్లలోకి వర్షపు నీరు చేరింది. నగరంలో పలు రైళ్లు రద్దయ్యాయి. పాఠశాలలు బంద్‌ అయ్యాయి. మరో 48 గంటల పాటు వర్షాలు కురుస్తాయని భారత వాతావరణ శాఖ హెచ్చరించింది. ముంబాయి, కొంకణ్‌, గోవా, మధ్యప్రదేశ్‌, గుజరాత్‌లో భారీ వర్షాలు పడతాయని ఐఎండీ తెలిపింది. దీంతో అవసరమైతేనే తప్ప ప్రజలు ఇళ్ల నుంచి బయటికి రావద్దని అధికారులు సూచించారు. సహాయక చర్యల కోసం ఎన్‌డీఆర్‌ఎఫ్‌ రంగంలోకి దిగింది. 

 

Don't Miss