ముంచెత్తుతున్న వాన..

15:21 - July 17, 2017

హైదరాబాద్ : వర్షాలు తమ ప్రతాపాన్ని చూపిస్తున్నాయి. గత కొన్ని రోజులుగా తెలుగు రాష్ట్రాల్లో వానలు పడకపోవడంతో రైతులు తీవ్ర ఆందోళన చెందారు. కానీ బంగాళాఖాతంలో అల్పపీడనం మరింత అల్పపీడనంగా బలపడుతోంది. దీనితో ఇరు రాష్ట్రాల్లో వర్షాలు కురుస్తున్నాయి. దీనితో గత కొన్ని రోజులుగా ఆందోళనగా ఉన్న రైతులు వర్షాలు కురుస్తుండడం పట్ల ఆనందం వ్యక్తం చేస్తున్నారు.

నగరంలో భారీ వర్షం..
నగరంలో గత రెండు రోజుల నుండి వాతావరణం మేఘావృతమై కనిపిస్తోంది. కానీ సోమవారం వాతావరణ పరిస్థితుల్లో మార్పు కనిపించింది. నగరంలో ఉదయం నుండి వర్షం కురుస్తోంది. సాయంత్రం భారీ వర్షం పడుతుండంతో జనజీవనం స్తంభించింది. రోడ్లపై భారీ ఎత్తున నీరు చేరుతుండడంతో వాహనదారులు..పాదాచారులు అష్టకష్టాలు పడుతున్నారు. మిగతా ప్రాంతాల్లో కూడా భారీ వర్షాలు పడుతున్నట్లు తెలుస్తోంది. ఉత్తరాంధ్ర జిల్లాల్లో ఇదే పరిస్థితి నెలకొంది. శ్రీకాకుళం, విజయనగరం జిల్లాల్లోని లోతట్టు ప్రాంతాలు జలమయం కావడంతో అధికారులు సహాయక చర్యలు చేపడుతున్నారు. పత్తి..వరి నాటు వేసుకున్న రైతులు ఆనందం వ్యక్తం చేస్తున్నారు. మరో రెండు రోజుల పాటు వర్షాలు కురుస్తాయని వాతావరణ శాఖ హెచ్చరించడంతో జీహెచ్ఎంసీ అధికారులు అప్రమత్తమయ్యారు. లోతట్టు ప్రాంతాల్లో ఉన్న వారు అప్రమత్తంగా ఉండాలని సూచనలు జారీ చేస్తున్నారు.
 

Don't Miss