వరుస సెలవులు రావడంతో పల్లె బాట పట్టిన నగర వాసులు

13:40 - August 12, 2017

హైదరాబాద్: టోల్‌ ప్లాజాల వద్ద ఒక్కసారిగా వాహనాల రద్దీ పెరిగింది. వరసగా సెలవులు రావడంతో సొంత గ్రామాలకు వెళ్లే వారి సంఖ్య పెరిగింది. దీంతో భారీగా ట్రాఫిక్‌ జాం ఏర్పడింది. రెండో శనివారం, ఆదివారం, కృష్ణాష్టమి, ఆగస్టు 15 సెలవులు రావడంతో.. ప్రజలు సొంత గ్రామాలకు వెళ్లడానికి బారులు తీరారు. హైదరాబాద్‌ నగరంలో సిటీ బస్టాండ్‌లు ప్రయాణికులతో కిటకిటలాడుతున్నాయి. ఎంజీబీఎస్‌, జీబీఎస్‌, ఉప్పల్‌, ఎల్బీనగర్‌ రింగ్‌ రోడ్డులో ఆర్టీసీ ఎలాంటి ఏర్పాటు చేయలేదు. బస్సులు లేక ప్రయాణికులు ఇబ్బందులు పడుతున్నారు. పంతంగి, బీబీనగర్‌, కోర్లపాడు టోల్‌గేట్‌ల వద్ద ట్రాఫిక్‌ జాం ఏర్పడింది. కిలోమీటర్ల మేర వాహనాలు, భారీగా ట్రాఫిక్‌ జామ్ ఏర్పడింది. 

Don't Miss