తమిళం వైపు రాజశేఖర్ చూపు..

14:18 - May 25, 2017

తెలుగులో యాంగ్రీ యంగ్ మెన్ గా పేరు తెచ్చుకున్న నటుడు 'రాజశేఖర్' పోలీసు పాత్రలో ఆయన జీవించే వారు. పలు విజయవంతమైన చిత్రాల్లో నటించిన ఈ నటుడు ఈ మధ్య వరుస ప్లాప్స్ తో ఇబ్బందులు పడుతున్నాడు. ప్రస్తుతం ప్రవీణ్ సత్తార్ దర్శకత్వంలో 'గరుడ వేగ' చిత్రంలో 'రాజశేఖర్' నటిస్తున్నాడు. తాజాగా ఈయనకు సంబంధించి ఓ వార్త సోషల్ మాధ్యమల్లో చక్కర్లు కొడుతోంది. తమిళ చిత్రానికి ఆయన సైన్ చేసినట్లు టాక్. తమిళ దర్శకుడు వెంకట్ ప్రభు ఇటీవల ఒక భిన్నమైన స్క్రిప్ట్ వినిపించారట. కథ, ప్రధాన పాత్ర నచ్చడంతో 'రాజశేఖర్' వెంటనే గ్రీన్ సిగ్నల్ ఇచ్చారని సమాచారం. ఈ ప్రాజెక్టుకు సంబంధించిన వివరాలు త్వరలోనే తెలియనున్నాయి.

 

Don't Miss